18ти август © InDesign.com.mk

Кодекс за однесување во планина

ПРИНЦИПИ ЗА ЕТИЧКО ОДНЕСУВАЊЕ НА ПЛАНИНА

1. БРЗИНАТА НА ОДЕЊЕ НА ПЛАНИНА ДА СЕ ПРИЛАГОДИ НА НАЈСПОРИОТ ПЕШАК

Понекогаш се случува и во добро извежбана група да има планинар со помалку кондиција. Таквиот планинар нема да го оставиме во планина. Сите ќе се прилагодиме со одењето на тој планинар. Планинарскиот клуб кој има планинари со разни способности е добро организирано.

2. МОРАЛНА ВИНА И ОДГОВОРНОСТ ИМААТ ВОДАЧИТЕ И ПЛАНИНАРИТЕ КОИ ЌЕ ГО ОСТАВАТ САМ ПЛАНИНАРОТ

Понекогаш планинарите не си ја знаат доволно својата физичка подготвеност, болен е, под дејство на алкохол или индиспониран. И покрај тоа нема да го оставиме.Објективни опасности кои можеме да ги сведеме на правило: Одиш на своја одговорност се: Временски непогоди, горештина или ладно, громови,одрони,лавини и слично.

3. ВО ПЛАНИНАТА НЕМА ДА ОСТАВИМЕ ОТПАДОЦИ

Конзерви, пластика, шишиња,хартија, најлон вреќи и слично ќе  ги вратиме назад во домиот или ќе ги вратиме во градот/селото. И да постојат корпи за отпадоци во планината нема да ги оставиме таму затоа што од тамо нема кој да ги земе.

4.   ВО ПЛАНИНАТА НЕМА ПОТРЕБА ОД ВИКОТНИЦИ

Транзистори, викање, гласно пеење во планина не е потребно. Таа не дочекува во мир и со исто треба да и вратиме.

5. ВО НЕСРЕЌИ ДА ГИ ОСТАВИМЕ СВОИТЕ ПЛАНОВИ И ДА СЕ ПРИДРУЖИМЕ ВО ПОМОШ И СПАСУВАЊЕ

Ако знаеме ќе пружиме прва помош , ќе повикаме лекар ако има во групата или ако постои можност и брза помош.

6. ПЛАНИНАРЕЊЕТО НЕ Е СПОРТ, НЕ ПОСТОИ НАТПРЕВАР

Посилните треба да им помогнат на послабите, не е потребно истакнување, планинариме бидејки го сакаме тоа.

7. КОРЕКТЕН ОДНОС КОН ВОДАЧОТ

Прифаќајки го групното планинарење, треба да ја прифатиме и дисциплината во групата и да го слушаме водачот на групата. Водачот има право да го исклучи планинарот, ако не е добро опремен и ако не е способен да оди на врв или на одреденото место. Нема да го остави во планина, туку на место каде што нема опасност. Ако е лошо времето водачот може да го смени планот и да се откаже од искачување на врв. Потребно е да биде прилагодлив. Паниката е многу опасна бидејки брзо се шири и планинарите стануваат нервозни. Со својата смиреност и знаење водачот треба да ги смири поединците или групата, а за сите паничари постои тоа /молчи и оди/. Не е битно ако не сме го поминале патот по означената должина на патот. Вистински планинари сме ако сме го поминале патот и на време во денот среќно да се вратиме.

8. МЕШТАНИТЕ ПРИСТОЈНО ДА ГИ ПОЗДРАВУВАМЕ

Ќе им се заблагодариме за давање ситни услуги,вода или храна и упатување во правец на целта и за временските прилики.

9. ПЛАННАРИТЕ МЕЃУ СЕБЕ СЕ ПОЗДРАВУВААТ

Помладите планинари ги поздравуваат постарите, планинари планинарките , тие кои се качуваат тие што се симнуваат, им даваат место да поминат, а со тоа им даваат признание за нивното качување.

10. НА ПЛАНИНАРСКИТЕ ПАТЕКИ ЌЕ ГИ ТРГНЕМЕ ГРАНКИТЕ И    КАМЕЊАТА КОИ ПРЕЧАТ

По можност ги поправаме патоказите, земаме ножици и ги одсекуваме гранките и грмушките кои што пречат по патеката.

11. ВО ГОРАТА НЕМА ДА ПАЛИМЕ ГОЛЕМИ ОГНОВИ

Со новиот закон за шуми забрането е палење на огнови насекаде по планината.

12. НА ВРВОТ ПО УПОТРЕБА ВНИМАТЕЛНО ЌЕ ГИ ВРАТИМЕ ПЕЧАТОТ И КНИГАТА КАДЕ ШТО БИЛЕ

Ќе го запишеме датумот, името и презимето, планинарскиот клуб/друштво чии сме членови, патеката којас сме ја поминале и по која ќе се вратиме и нема да внесуваме невкусни примедби.

13. ДА СЕ ПОСТАВАТ ЗАШТИТНИ ПРАВИЛА ЗА НАЦИОНАЛНИТЕ ПАРКОВИ

1976 година прогласена е заштита на жива и нежива природа.

14.  ПЛАНИНАРСКИТЕ ЗАСОЛНИШТА ПО ПОСЕТА ТРЕБА ДА ГИ ОСТАВИМЕ ЧИСТИ

Се препорачува засолништата да ги оставаме во таква положба во која сме ги нашле.

14. ВО ПЛАНИНАРСКИОТ ДОМ ДА СЕ ПРЕСТАВИМЕ НА ДОМАРОТ

На домарот ќе му дадеме лична карта или планинарска книшка, ќе го почитуваме неговиот авторитет , ќе му заблагодариме на дадената услуга, ќе го поздравме на заминување и ќе му кажеме во кој правец  заминуваме.

Предност на ноќевање ќе има дадеме на децата, жените, постарите и уморни лица.Креветот ќе го оставиме како што сме го нашле, значи среден. Ако во домот има повеќе луѓе , ќе им остапиме место што побрзо на тие што доаѓаат.

15. ВО ДОМОТ ПО 22,00 ЧАСОТ ПОТПОЛН МИР

Уморните планинари сакаат да отспијат и да се одморат, а ноќното пеење со повеќе алкохол не е потребно.И без алкохол можеме да се расположиме. Пијаниците штетат на угледот на планинарите и нивното место е во биртии и кафеани.

Пушачите исто така не се потребни, а исто така и агресивните се несакани. Мораме да мислиме и на домарот кој мора да се одмори. Наредниот ден го чека нов работен ден, да спреми појадок, ручек и да ги прифати уморните планинари.

Сите овие етички правила и препораки се од искусните планинари, како истите би ги пренеле на помладите, како што и нам ни се пренесени.

Голема мисла од Гете: ЖЕЛБАТА И ЉУБОВТА СЕ КРИЛА НА ГОЛЕМИТЕ ДЕЛА

Препишано и преведено од Силвана Милиќ

ХПД ПЛАТАК Планинари СЕНИОРИ - Ријека